Një tërmet i fortë godet Kilin, sa ishte magnituda

Një tërmet me magnitudë 7.4 të shkallës Rihter goditi Kilin verior të enjten në mbrëmje, afër kufirit me Argjentinën dhe deri më tani nuk ka raportime për të lënduar apo dëme të mëdha, njoftoi Shërbimi Gjeologjik i SHBA-së.

Në njoftim thuhet se epiqendra e tërmetit ishte 45 kilometra në juglindje të qytetit San Pedro de Atacama, në një thellësi prej 117 kilometrash. Asnjë paralajmërim për cunami nuk është lëshuar, raporton AP.

Presidenti i Kilit, Gabriel Borić, ka shkruar në platformën X se sipas informacioneve paraprake nuk raportohet për të lënduar apo dëme të mëdha.

Boriç tha se për shkak të tërmetit, pjesë të shkëmbit ranë në autostradën që lidh komunat Kalama dhe Tokopilja, në lindje të epiqendrës dhe se kishte një ndërprerje të energjisë në qytetin e San Pedro de Atacama.

Kili ndodhet në të ashtuquajturën “unaza e zjarrit” në Paqësor, ku tërmetet janë të shpeshta. Në Kili, 526 njerëz vdiqën në tërmetin e vitit 2010 me magnitudë 8.8 ballë dhe cunamin që pasoi.

LEXONI GJITHASHTU:

• Tërmet i fortë në Kanada, sa ishte magnituda
• Tërmet në kufirin mes Turqisë dhe Greqisë, sa ishte magnituda