Një tërmet i fortë godet Oqeanin Paqësor, sa ishte magnituda

Një tërmet me magnitudë 6 gradë të shkallës Rihter goditi pjesën jugore të Oqeanit Paqësor, në perëndim të ishullit Macquarie, i cili është pjesë e shtetit australian të Tasmanisë, njoftoi agjencia gjeologjike shtetërore australiane Geoscience Australia.

Tërmeti u regjistrua në orën 19:22 sipas kohës lokale, në një thellësi prej 10 kilometrash.

Epiqendra e tërmetit ishte 1484 kilometra në jug të qytetit Hobart në shtetin e Tasmanisë, Australi.

Nuk ka informacione për viktima apo dëme të mundshme dhe nuk është paralajmëruar ndonjë kërcënim për cunami, transmeton RIA Novosti.