Një tërmet i fortë godet Santorinin, sa ishte magnituda

Një tërmet me magnitudë 5.2 ballë të shkallës Rihter është regjistruar të mërkurën në orën 21:09 me orën lokale në zonën më të gjerë të Santorinit.

Ky është tërmeti më i fortë i regjistruar ndonjëherë në atë rajon.

Të dhënat e rishikuara tregojnë një thellësi epiqendrore prej 11.2 kilometrash, 16 kilometra në jug-jugperëndim të Arkesinës në Amorgos.

Tërmeti është ndjerë edhe në Kretë, raporton Protothema.

Më shumë se 11,000 njerëz janë larguar nga Santorini pas një serie tërmetesh që goditën ishullin grek dhe zonat përreth gjatë gjashtë ditëve të fundit, dhe disa qindra të tjerë pritet të evakuohen.

Sipas zyrtarëve, rreth 7,000 njerëz u larguan nga ishulli me traget dhe rreth 4,000 me avion.

LEXONI GJITHASHTU:

• Santorini/ Banorët që nuk u larguan pavarësisht tërmeteve, mes tyre edhe shqiptarja
• Santorini braktiset nga banorët, 300 lëkundje sizmike në 48 orët e fundit