Një tërmet i fortë godet Turqinë, sa ishte magnituda

Turqia u godit të hënën nga një tërmet me magnitudë 4.9 gradë të shkallës Rihter, njoftoi Qendra Sizmologjike Evropiane-Mesdhetare (EMSC).

Epiqendra e tërmetit ishte në perëndim të Turqisë, rreth tre kilometra nga Sindirgi, në një thellësi prej 10 kilometrash.

Deri më tani nuk ka raportime për të lënduar apo dëme materiale.

Sipas rrëfimeve të dëshmitarëve okularë të publikuara në faqen e internetit të EMSC, dridhja zgjati për një kohë të gjatë dhe u ndje fuqishëm.

Një tërmet i fortë ndodhi në atë zonë në fund të tetorit, kur një ndërtesë, e dëmtuar nga tërmeti i gushtit, u shemb.

LEXONI GJITHASHTU:

• Tërmet i fortë godet Japoninë, paralajmërim për cunami
• Sa gati dhe të afta janë institucionet në juglindje për tërmetet?