Një tjetër kandidat për kreun e SPAK, Elvin Gokaj kandidon për postin e drejtuesit

Prokurori Elvin Gokaj është kandidati i dytë që ka shprehur interesin, duke dorëzuar platformën për postin e drejtuesit të SPAK.

Afati i fundit për shprehjen e interesit dhe dorëzimin e platformës është dita e mërkurë, 8 tetor, sipas vendimit të Këshillit të Lartë të Prokurorisë.

Pas mbylljes së afatit, KLP do të ketë në dispozicion dy muaj për të shqyrtuar kandidaturat, zhvilluar intervistat publike dhe për të marrë vendimin me votim.

Gokaj ka hetuar disa dosje të rëndësishme, kryesisht për abuzime me tenderat dhe fondet publike, ku janë çuar për gjykim zyrtarë të lartë, mes tyre edhe ish-zv.kryeministri Arben Ahmetaj, për dosjen ‘Buka’.

Sipas burimeve të Euronews Albania, deri ditën e nesërme që është afati i fundit pritet të kandidojnë dhe 3 prokuror të tjerë.

LEXONI GJITHASHTU:

• Altin Dumani dhe prokurorët e SPAK ngushëllojnë familjen e gjyqtarit të vrarë
• Gjyqtari u vra me armë brenda gjykatës, mbërrin prokurorët e SPAK në vendngjarje