Një tjetër propozim që Trump të marr çmimin “Nobel”, ja cili shtet bën kërkesën
Zëvendëskryeministri i Kamboxhias, Sun Chandol, konfirmoi se vendi i tij do të nominojë Presidentin e Shteteve të Bashkuara, Donald Trump, për Çmimin Nobel për Paqen. Arsyeja kryesore, sipas Chandol, është ndërhyrja vendimtare e Trump-it në përfundimin e një konflikti kufitar mes Kamboxhias dhe Tajlandës.
“Po, e konfirmojmë. E nominojmë Presidentin Trump për përpjekjet e tij për paqe,” u shpreh Chandol për gazetarët, duke theksuar rolin që pati një telefonatë e Trump javën e kaluar në arritjen e një armëpushimi të negociuar në Malajzi më 28 korrik.
Luftimet pesëditore mes dy vendeve shkaktuan të paktën 43 viktima dhe zhvendosjen e rreth 300,000 personave përgjatë kufirit. Chandol falënderoi ish-presidentin amerikan për “sjelljen e paqes” dhe tha se vendi i tij e konsideron atë të denjë për një nominim të tillë prestigjioz.
Zëdhënësja e Shtëpisë së Bardhë, Caroline Leavitt, reagoi në platformën X menjëherë pas arritjes së marrëveshjes, duke shkruar: “Jepini atij Çmimin Nobel për Paqen”.
Nuk është hera e parë që Trump përmendet për këtë çmim. Në qershor, Pakistani njoftoi se do ta nominonte për përpjekjet në zgjidhjen e tensioneve me Indinë, ndërsa në korrik, edhe kryeministri izraelit, Benjamin Netanyahu, deklaroi se kishte bërë një nominim të ngjashëm.
Përveç çështjes së sigurisë, Chandol theksoi edhe ndikimin e Trump në aspektin ekonomik, duke përmendur një marrëveshje për uljen e tarifave amerikane ndaj produkteve kamboxhiane. “Nëse do të kishin hyrë në fuqi tarifat 49%, industria jonë e veshjeve dhe këpucëve do të ishte shkatërruar,” tha Chandol, duke shtuar se falë ndërhyrjes së Trump, tarifa u reduktua në 19%.
Kamboxhia tani i bashkohet një liste gjithnjë e më të gjatë shtetesh që e shohin ish-presidentin amerikan si një figurë kyçe në përpjekjet globale për paqe.
LEXONI GJITHASHTU:
Kryefaqja
Banka Qendrore Evropiane prezanton modelet e reja të kartëmonedhave euro, qytetarët ftohen të votojnë
Raporti i Oxfam: Gaza ka nevojë për mbi 71 miliardë dollarë për t’u rindërtuar në 10 vite
BE miraton paketën e 21-të të sanksioneve ndaj Rusisë, goditen bankat, nafta dhe “flota në hije”
- 22:33 Banka Qendrore Evropiane prezanton modelet e reja të kartëmonedhave euro, qytetarët ftohen të votojnë
- 22:26 Raporti i Oxfam: Gaza ka nevojë për mbi 71 miliardë dollarë për t’u rindërtuar në 10 vite
- 22:23 Deputeti i PD-së: Ja pse Rama nuk e çoi deri në fund reformën territoriale, Parlamenti është jonormal
- 22:08 Dashamir Shehi: Mbështes protestuesit, ata janë rinia evropiane e Shqipërisë
- 21:52 Mes thirrjeve “Rama, jepe dorëheqjen”, kryeministri publikon videon duke përgatitur fjalimin: Kënga ime e preferuar
- 21:41 “Lironi çunat, lironi vajzat”, protesta e ditës së 54 fokusohet te të shoqëruarit nga policia