“Njerëzit janë mbyllur”, Robert Aliaj: S’duhen zgjidhje individuale por kolektive
Artisti Robert Aliaj, i ftuar në emisionin “Now”, ka komentuar me shqetësim rritjen e rasteve ku konfliktet mes adoleshentëve përshkallëzohen deri në vrasje. Ai theksoi se ky fenomen nuk është vetëm shqiptar, por një problem global që vjen nga disa arsye.
Sipas Aliajt, kjo situatë reflekton një shoqëri të lodhur, me institucione që nuk arrijnë të ndjekin realitetin.
Ai theksoi se indiferenca shoqërore, mungesa e strukturave morale dhe braktisja e vlerës së fëmijëve si pasuri e përbashkët po i thellojnë raste të tilla.
“Është fenomën global, nuk ka lidhje vetëm me Shqipërinë. Arsyet që sjellin këto ngjarje për mua janë ato që ne i flasim herë pas here. Duke nisur nga familje të lodhura, të thyera, shkolla që nuk është më një hapësirë që krijon autoritet moral, dhuna që futet në kulturat e përditshme sepse fëmijët kanë modele duke nisur nga rruga deri në ekranet televizive apo ambientet e pushtetit, rrjetet sociale, mjedisi ku rriten. Është pasqyrë e një shoqërie që nuk ka më strukturë morale të qëndrueshme.
As institucuionet nuk janë në gjendje të ndjekin më realitetin. Ka një publik që nuk reagon, dhe vjen në formën e një vetëdorëzimi, është i lodhur, kemi ndjesinë se askush nuk është i pastër, të përlyer të gjithë nga pak dhe kjo ndikon në mungesën e indicieve që të na bëjnë të lëvizim dhe të kërkojmë drejtësi. Vrapojmë për të kapur Evropën si aset politik për të thënë që e bëmë këtë gjë, por nuk vrapojmë të kapim kohën. Njerëzit nuk reagojnë edhe për arsye se janë mbyllur në hapësirat e tyre private. Ka një konfliikt midis ngjarjeve individuale dhe largimi nga interesat publike. Jemi të papërgjegjshëm.
Fëmijët janë pjesë e kolektivit, si një vlerë dhe pasuri. Jemi në një shoqëri e cila e ka braktisur këtë vlerë dhe beson që secili zgjidh hallin e vet. Veprimi individual i një fëmije përballet me indiferencën e një kolektivi”, tha Rober Aliaj.
LEXONI GJITHASHTU:
Shqipëria, ndër më të prekurat në Europë nga rënia e lindjeve dhe popullsisë
Shqipëria priti 12% më shumë vizitorë në maj, rajoni verior shënoi rritje të lartë
35.4 mld lekë nga eksportet në qershor, rritje 13% nga shitja e karburanteve
- 19:34 Cisterna e sanksionuar po rrjedh naftë pranë brigjeve të Omanit
- 19:25 Të shtëna me armë zjarri në Danimarkë, vritet një person. Plgoset polici dhe autori (VIDEO)
- 19:18 Raporti i KE për Shqipërinë: Korrupsioni mbetet shqetësim
- 19:18 Qeveria britanike merr vendimin: Nga prilli pijet energjike do të ndalohen për personat nën 16 vjeç
- 19:08 Japonia zbut rregullat e trashëgimisë mbretërore, por nuk ka ndyshime në ligjin që ndalon gratë të ngjiten në fron
- 18:56 Izraeli sulm në një ceremoni mortore në Gaza, plagosen rreth 20 persona. Vriten 7 të tjerë