Edhe këtë të shtunë, emisioni “Enigmat e Hipokratit” do të ketë protagonist ekskluziv Hetem Ramadanin, përfaqësuesin tipik të mjekësisë “ndryshe”.
Do të shohim konkretisht se si e ka ndërtuar ai një ditë të zakonshme të jetës së tij.
Hetem Ramadani do të na tregojë se si i materializon ai në 24 orë teoritë e tij, të cilat kanë lidhje të drejtpërdrejtë me shëndetin e njeriut.
Në këtë emision do të njihemi me lifestyle apo me mënyrën e jetesës që ai aplikon, që nga zgjimi në mëngjes, më pas meditimi, ushqimi, aktiviteti fizik e me radhe.
Përmes një bashkëbisedimi mjaft interesant, teleshikuesit e Euronews Albania do të njihen me tezat e z. Ramadani për një trup dhe mendje të shëndoshë.
Në dallim nga mjekësia klasike, Hetem Ramadani është përpunues i tezave shkencore, të cilat bazohen në aftësite që ka organizmi i njeriut për të reaguar pozitivisht ndaj një stili jetese të shëndetshëm, si dhe ndaj meditimit.
Kur themi “stil jetese i shendetshëm” nënkuptojme ushqimin e përzgjedhur, aktivitetin fizik si dhe meditimin. Të tre këta faktorë, të kombinuar suksesshëm nga Hetem Ramadani, garantojnë një jetë të shëndetshme dhe një organizëm me shkallë të lartë imuniteti, i gatshëm për t’u mbrojtur nga sulmi i viruseve dhe sëmundjeve të ndryshme.
LEXONI GJITHASHTU