Nuk ishte starti më i mirë por në përfundim të 72 xhirove në Zandvoort, McLaren dhe Lando Norris që u nis në “pole position” fituan “Dutç Grand Prix” që u transmetua në Euronews Albania dhe IN Radio.
Shpresat e Norris morën një goditje në start kur Verstappen bëri një nisje më të mirë duke marrë kryesimin në kthesën e 1’rë.
Megjithatë britaniku nuk u dorëzua dhe me kalimin e xhirove gjeti shpejtësinë e nevojshme ndërkohë që holandezi u përball me problem në makinë dhe goma.
Gjithçka u kthye në vendin e vet në xhiron e 18’të kur Norris rimori kryesimin dhe më pas rriti diferencën në hyrjen e vetme në bokse për një ndërrim gomash.
Strategji e njëjtë me Red Bull por në fund Mclaren pati një avantazh prej 20 sekondash ndaj Verstappen në fitoren e 2’të pas Miami’t për Norris.
Charles Leclerc zhvilloi një garë impresionuese duke ngjitur nga vendi I 6’të në të 3’in të cilin e ruajti pas një dueli të gjatë me Oscar Piastri’n që u detyrua të kënaqet me vendin e 4’t për McLaren pas humbjes së pozicionit në nisje.
Ferrari plotësoi fundjavën me vendin e 5’të nga Carlos Sainz përpara Sergio Perez të Red Bull.
Mercedes me George Russell dhe Lewis Hamilton la pas Pierre Gasly me Alpine dhe Fernando Alonso me Aston Martin.
Kjo ishte renditja e “Dutch Grand Prix” që u transmetua në Euronews Albania dhe IN Radio:
