“Nuk ke shtet nëse s’ke ushtri”, Zonja: Serbia është shteti më i armatosur në Europë

Gazetari Sebastian Zonja ishte këtë të diel i ftuar në “Review” në Euronews Albania lu tha se fjalimi i zëvendës presidentit amerikan J.D. Vance në këshillin e sigurimit ishte një fjalim sherifash. Zonja tha gjithashtu se tashmë lufta duket sikur është në pragun e Europës, ndërsa vendi ynë është i papërgatitur për këtë situatë.

“Ajo që tha J.D. Vance, deri diku duket si fjalim sherifash, unë nuk e di si mund të bëhet ai lloj fjalimi. Kjo është të na e plasë në sy që ne kemi probleme e të tjera e të tjera. Fakti që je i fortë nuk do të thotë medoemos që je i drejtë. Ne u jemi mirënjohës e do jemi përjetë për pavarësinë e Kosovës. Por, kemi dy linja që konkurrojnë në Ballkan, është linja e një hekurudhe që nis nga Pireu dhe përfundon drejt Hungarisë, që është linja kineze e rrugës së mëndafshit, kemi edhe një linjë tjetër që është nga Durrësi e del në detin e Zi që është linja e Bashkimit Europian dhe SHBA-ve. Pyetja është çfarë bëjnë politikanët tanë për të avancauar interesat e BE në territorin shqiptar? Asgjë.

Ne kemi që në 95 që dëgjojmë korridorin 8, asgjë nuk është bërë. Ata që njohin gjeopolitikën dhe dinë ç’ndodh në nëntokën e çdo vendi të thonë, armë ushtri dhe siguroni interesat tuaja. Ushtria përdoret njëherë në 50 apo 70 vite dhe ti e paguan për 50 vjet. Këta tanët merreshin me institute, para nga USAIS, nga Soros dhe thonë paqja është botërore e nuk do të kemi më luftë sepse luftërat janë për nacionalistët e çmendur. Ja ku e ke luftën në derën e Evropës sot. Ti nuk mund të kesh shtet nëse nuk ke ushtri, ti nuk mund të kesh shtet nëse nuk prodhon armatime, ndërkohë shteti më i armatosur është Serbia”,-tha Zonja.

LEXONI GJITHASHTU:

• Rifillimi i dialogut Prishtinë- Beograd, analistët: Peng për qeverinë e re në Kosovë
• “U hap kutia e Pandorës!” Eksperti: Shqipëria dhe Kosova duhet të armatosen