‘Nuk kemi asgjë për të diskutuar’: Irani shpërfill negociatat e mundshme me SHBA-në

Irani ka shpërfillur çdo negociatë të mundshme me SHBA-në – të paktën për sa kohë që vazhdojnë sulmet izraelite.

Ky është njoftimi i fundit nga Gjeneva, ku Abbas Araghchi, ministri i jashtëm i Iranit, do të takohet me homologët e tij nga Britania, Franca dhe Gjermania këtë pasdite.

Ai i është përmbajtur qëndrimit të Iranit se nuk do të takohet me zyrtarët amerikanë derisa Izraeli të ndalojë sulmet e tij.

Ministrat e Jashtëm të Mbretërisë së Bashkuar, Francës dhe Gjermanisë janë mbledhur sot në Gjenevë ku pritet të takohen me homologun e tyre iranian, Abbas Araqchi, në një përpjekje për të rikthyer bisedimet diplomatike mbi programin bërthamor të Iranit.

Takimi vjen vetëm një ditë pasi Presidenti amerikan, Donald Trump, vendosi një afat dyjavor për të marrë një vendim nëse SHBA do t’i bashkohet luftës së Izraelit kundër Iranit. Shtëpia e Bardhë konfirmoi se “presidenti do të marrë një vendim nëse do të ndërmarrë sulme kundër Iranit brenda dy javësh”, duke shtuar se kontaktet me Teheranin janë ende aktive dhe ekziston një farë shprese për vazhdimin e negociatave.

LEXONI GJITHASHTU:

• Sulmet e Izraelit ndaj Iranit, Zakharova: Bota në prag të një katastrofe bërthamore
• Cilat janë opsionet e zgjidhjes së krizës mes Izraelit dhe Iranit