Nuk ndalet Vedat Muriqi, gol dhe assist në përballjen me Villareal

Mallorca ka padyshim një hero në fushën e lojës, i cili është gjithmonë aty për të shpëtuar skuadrën e tij.

Ky është Vedat Muriqi, i cili ka regjistruar dhe golin numër 9 në La Ligan spanjolle. 28-vjeçari ishte protagonist aboslut dhe në përballjen me Villareal, ku regjistroi një assist dhe një gol.

Në minutën e 20’, Muriqi asistoi për shokun e tij të skuadrës Kadeuer, i cili zhbllokoi përballjen. Performanca e tij qe e jashtëzakomnshme përgjatë gjithë 90 minutëshit, ndërkohë do të shfaqej sërish në pjesën e dytë, ku vulosi fitoren e Mallorcas me rezultatin final 4-2.

Sofaskor i bëri një vlerësim të lartë bomberit nga Kosova, me notën 7.8, i dyti pas Dani Rodriguez. Këtë sezon Muriqi po kalon një formë spektakolare, duke bërë që disa skuadra të vihen pas tij.

Aktualisht regjistron 9 gola dhe 2 asiste, teksa pak javë më parë i shënoi dhe Realit të Madridit. Lista e golashënuesve të kampionatit spanjoll udhëhiqet nga polaku Levandovski, me 14 rrjeta dhe 5 herë ka shërbyer shokët e skuadrës.

LEXONI GJITHASHTU

• Momente emocionuese, stadiumi nderon ish-futbollistin e Chelsea që vdiq nga tërmeti
• Vdes ish-futbollisti i Chelsea, trupi gjendet nën rrënoja 12 ditë pas tërmetit
• Lindi në tërmetin e vitit 99, historia e 24-vjeçarit që u sakrifikua për vëllanë