Policia Kufitare në Rinas ka ndëshkuar 6 qytetarë me masën administrative 700.000 lekë, për shkelje të vetë-karantinimit të detyrueshëm 14-ditor.

Sipas Policisë 6 qytetarët nuk u vetë-karantinuan, pasi erdhën nga Britania e Madhe.  

Policia e Shtetit apelon për të gjithë qytetarët që të respektojnë masat anti-COVID, duke vendosur maskën dhe ruajtur distancimin social, të respektojnë oraret kufizuese për ndalimin e qarkullimit te këmbësorëve dhe të automjeteve, ndërsa pronarët e bizneseve të respektojnë protokollet e sigurisë dhe orarin për mbylljen e detyrueshme të bizneseve.

Ndërkohë, deri nesër janë të pezulluara fluturimet me Britaninë e Madhe.

Nuk ka ende një njoftim nëse do të rinisin fluturimet apo masa e pezullimit të tyre do të zgjatet. 

Lexoni gjithashtu:

Ndryshon ora policore, nga sot kufizimet nisin në orën 22.00-6.00