Numërimi i votave, Blendi Çeka: PS i është afruar 50%, s’ka sistem që ia pengon fitoren

Eksperti i çështjeve zgjedhore, Blendi Çeka thotë se kur një parti është pranë 50% të votave, fitorja nuk vihet në diskutim.

Kur janë numëruar rreth 72% të kutive të votimit dhe Partia Socialiste ka 48.84% të votave, z. Çeka thotë se gjasat që për qindja të ndryshojë është shumë e vogël.

“Probaliteti për të ndryshuar për qindjen është shumë i ulët. Një në dy veta i bie që ka votuar për PS. Është normale kur t’i afrohesh kaq afër 50%, nuk ka sistem që e pengon fitore”, tha z. Çeka.

PD rezulton deri tani me 39.21% të votave kurse LSI me 6.82%.

Në ndarjen e mandateve, PS deri tani merr 73 mandate, PD me 59, LSI me 6 ndërsa tre mandate i shkojnë PSD.