Numërimi i votave, si do funksionojnë grupet e numërimit të zgjedhjeve

Komisioni Rregullator në Komisionin Qendror të Zgjedhjeve ka përpiluar rregulloren e funksionimit të grupeve të numërimit të votave për zgjedhjet e 25 prillit.

Sipas projekt-vendimit të KQZ, numri i Grupeve të Numërimit të Votave, të cilat angazhohen në të njëjtën kohë për numërimin e votave në Vendet e Numërimit të Votave, nuk mund të jetë më pak se tre dhe as me shumë se dhjetë.

Një grup numërimi numëron jo më pak se 5 dhe jo më shumë se 10 qendra votimi. Në projekt-vendim theksohet se grupet e dyta të numërimit të votave rrinë në gatishmëri dhe me vendim të Komisionit i Zonës së Administrimit Zgjedhor zëvendësojnë menjëherë grupet e para, edhe në rastet kur grupet e para ndërpresin punën pa shkaqe të përligjura.