Numërimi i votave të diasporës ndërpritet për pushim, Balla e Noka ndjekin procesin

Rreth orës 05:30 të mëngjesit të së hënës, është ndërprerë përkohësisht procesi i numërimit të votave të diasporës në Parkun Olimpik në Tiranë.

Ndërprerja ka ndodhur për shkak të lodhjes së numeruesve, të cilëve iu është dhënë mundësia për të pushuar.

Numërimi pritet të rifillojë në orën 10:30 të paradites.

Numërimi i votave të diasporës ka qenë i ndjekur nga afër nga dy politikanët e njohur, Taulant Balla i Partisë Socialiste dhe Flamur Noka i Partisë Demokratike.

Ata kanë monitoruar procesin nga afër dhe në disa momente kanë qëndruar afër njëri-tjetrit, duke ndjekur hap pas hapi procedurat e numërimit të votave dhe angazhimin e komisionerëve dhe numeruesve të votave të diasporës.

LEXONI GJITHASHTU:

• Flamur Noka urdhëron komisionerin: Nuk do të numërosh asnjë votë nga Greqia
• “Po shkel ligjin”, Balla përplaset ashpër me komisionerët e votës së diasporës