‘Nxiti sulmin’, del raporti për Trump-in, akuzohet për komplot të shumëfishtë

Një njeri, Donald Trump, “ndezi shkëndijën” për sulmin masiv ndaj Kongresit amerikan më 6 janar 2021. Kështu thotë raporti i hartuar pas 18 muaj hetim të komisionit parlamentar që kishte për detyrë të shqyrtonte se çfarë ndodhi atë ditë.

Raporti sapo është publikuar dhe në komisionin me 9 anëtarë vetëm 2 ishin republikanë. Ai thotë se në mënyrë kriminale Trump u angazhua në një “komplot shumëfishtë” për të rrëzuar rezultatin legjitim të zgjedhjeve presidenciale të 2020-s dhe dështoi të ndalonte mbështetësit të tij që sulmuan Kongresin.

Të hënën e kaluar, komisioni parlamentar për 6 janari rekomandoi që Departamenti i Drejtësisë të hetojë ish-presidentin për veprat penale të ‘nxitjes së kryengritjes’, ‘pengim të hetimit të Kongresit’, ‘përpjekje për të mashtruar Shtetet e Bashkuara’ dhe ‘komplot për të paraqitur dëshmitarë të rremë në Kongres dhe Arkivën Kombëtare’.

Rekomandimet e tyre nuk janë imponuese, por përbëjnë një simbolikë të rëndësishme, pasi kurrë më parë një president nuk është mbajtur përgjegjës penalisht.

LEXONI GJITHASHTU

• Trump do publikojë taksat, Komisioni Parlamentar voton pro zbardhjes së dokumenteve
• 4 akuza kundër Trump-it, Komisioni Parlamentar çon për hetim ish-presidentin
• Një komitet i Kongresit Amerikan rekomandon katër akuza penale kundër Trump