Nxori dokumente sekrete, Assange fiton të drejtën për të sfiduar ekstradimin në SHBA

Themeluesi i Wikileaks, Julian Assange, mund të bëjë një apel të ri kundër ekstradimit në SHBA, ka vendosur Gjykata e Lartë në MB.

Sipas mediave të huaja, atij iu dha leja për të apeluar kundër urdhrit që ai të dërgohej në SHBA për të dalë në gjyq për nxjerrje të sekreteve ushtarake.

Vendimi do të thotë se Assange do të jetë në gjendje të kundërshtojë garancitë e SHBA-së mbi mënyrën se si do të zhvillohet gjykimi i tij i mundshëm dhe nëse e drejta e tij për lirinë e fjalës do të cënohej.

Avokatët e Assange u përqafuan me njëri-tjetrin në gjykatë pas këtij vendimi të fundit në sagën ligjore.

Ata kanë argumentuar se rasti ndaj tij është i motivuar politikisht.

Në një vendim të shkurtër mëngjesin e sotëm, dy gjyqtarë të lartë i dhanë leje për të apeluar kundër një urdhri të mëparshëm, duke vendosur se atij duhet t’i jepet një apel i plotë në MB.

Assange i ka rezistuar ekstradimit nga Britania e Madhe për më shumë se një dekadë, pasi uebfaqja e tij Wikileaks publikoi mijëra dokumente konfidenciale amerikane në 2010 dhe 2011.

LEXONI GJITHASHTU:

• Gjykata në Londër do vendosë nesër për ekstradimin në SHBA të Assange
• Britania vendos nëse Assange do të ekstradohet në SHBA