“Objektivat shkojnë përtej Donbasit”, kërcënimi i Lavrov për Perëndimin

Ministri i Jashtëm rus, Sergei Lavrov, ka thënë se objektivat gjeografike të “operacionit special ushtarak” të Rusisë në Ukrainë, nuk kufizohen më vetëm në rajonet lindore Donjeck dhe Luhansk, të njohura si Donbas.

Ai nënvizon se synim i rusisë janë edhe rajonet Herson, Zaporizhja dhe një numër territoresh tjera.

“Tani gjeografia është ndryshe. Dhe nuk është vetëm Donbasi, por edhe rajonet Herson, Zaporizhja dhe një numër territoresh tjera. Procesi vazhdon me këmbëngulje”, ka deklaruar ai.

Lavrov ka shtuar se “nëse Perëndimi dërgon armë me rreze të gjatë në Kiev, synimet gjeografike të operacionit special në Ukrainë do të zgjerohen edhe më shumë”.

Një ditë më parë, administrata Biden njoftoi se Rusia po përgatitet që të aneksojë më shumë territor ukrainas.

LEXONI GJITHASHTU:

• Rusia po përgatitet të aneksojë më shumë territor ukrainas, sipas SHBA-ve
• Rusia akuza Kosovës për mercenarë në Ukrainë, reagon Sveçla