OBSH anulon misionin e furnizimit mjekësor në veri të Gazës për shkak të sigurisë

Organizata Botërore e Shëndetësisë (OBSH) ka anuluar një tjetër mision për të transportuar furnizime mediale në veri të Gazës, pasi nuk iu dha garanci sigurie.

Është misioni i katërt që synon të sjellë furnizime urgjente në spitalin Al-Awda dhe një farmaci kryesore që është anuluar që nga 26 dhjetori, thuhet në një deklaratë nga organi global i shëndetit i OKB-së.

OBSH shton se kanë kaluar 12 ditë që kur ka mundur të arrijë në veri të Gazës, ku shumica e luftimeve më të ashpra janë zhvilluar që kur Izraeli filloi një pushtim tokësor.

“Bombardimet e rënda, kufizimet e lëvizjes dhe komunikimet e ndërprera po e bëjnë gati të pamundur dërgimin e furnizimeve mjekësore rregullisht dhe në mënyrë të sigurt në të gjithë Gazën, veçanërisht në veri”, thuhet në një deklaratë të OBSH-së.

Dorëzimi i së dielës ishte planifikuar për të siguruar që pesë spitale në veri të jenë në gjendje të vazhdojnë trajtimin e njerëzve.

Shefi i OBSH-së Tedros Adhanom Ghebreyesus thotë se ai është “i tronditur nga shkalla e nevojave shëndetësore dhe shkatërrimit në Gazën veriore”, duke shtuar se çdo vonesë e mëtejshme “do të çojë në më shumë vdekje dhe vuajtje për shumë njerëz”.

LEXONI GJITHASHTU: 

• Dokumentacioni për parqe fotovoltaike, Balluku-bizneseve: Mos bini pre e abuzimit
• Zbulimi i BBC: Lideri i Kishës Ungjillore ka torturuar e abuzuar dhjetëra besimtarë