OBSH: Pjesa e Sirisë e prekur nga tërmeti ka nevojë për më shumë ndihmë 

Kreu i Organizatës Botërore të Shëndetësisë (OBSH), Tedros Adhanom Ghebreyesus deklaroi se pjesa e Sirisë e prekur nga tërmeti ka nevojë për më shumë ndihmë.

Burimet financiare në dispozicion dhe pikat e reja kufitare nuk janë ende të mjaftueshme për të ndihmuar qytetarët e prekur nga tërmeti në veriperëndim të Sirisë, sipas tij.

Tedros shtoi se ai ishte shumë i shqetësuar pasi vizitoi një spital në zonën e kontrolluar nga rebelët, ku më shumë se 4 mijë njerëz vdiqën në tërmetin shkatërrues të muajit të kaluar, raportoi Reuters.

Pas kësaj fatkeqësie, presidenti sirian Bashar al-Assad lejoi hapjen e dy kalimeve të tjera me Turqinë, duke e çuar totalin në tre, për të lejuar ndihmën për rajonin e mbajtur nga kundërshtarët e tij. Tedros tha se nevojiten akoma më shumë kalime dhe para.

Agjenci të tjera të Kombeve të Bashkuara dhe grupe ndërkombëtare të ndihmës kanë kritikuar rebelët e vijës së ashpër për refuzimin e dërgesave të tilla.

LEXONI GJITHASHTU:

• 9 sirianë të vrarë pas shpërthimit të një mine
• Shkon në mbi 50 000 numri i viktimave nga tërmetet në Turqi dhe Siri