OBSH: Rritet në 13 numri i rasteve me Hantavirus, një i infektuar i ri në Spanjë

Numri i rasteve të Hantavirusit të lidhura me anijen turistike është rritur në 13, tha të mërkurën kreu i Organizatës Botërore të Shëndetësisë.

“Spanja raportoi një rast të ri midis pasagjerëve që janë në karantinë, gjë që e çon numrin e përgjithshëm të rasteve në 13”, tha shefi i OBSH-së, Tedros Adhanom Ghebreyesus, në një postim në X.

Midis tyre tre vdiqën, por nuk ka pasur vdekje të reja që nga 2 maji, tha Ghebreyesus.

“Situata mbetet e qëndrueshme. Pasagjerët që u sëmurën po marrin kujdesin e nevojshëm, ndërsa të tjerët mbeten në karantinë”,shtoi ai.

Në dy javët e fundit, të gjithë pasagjerët e mbetur, anëtarët e ekuipazhit dhe stafi mjekësor zbritën nga anija luksoze MV Hondius në qendër të shpërthimit.

Hantaviruset janë viruse që përhapen nga brejtësit dhe mund të infektojnë njerëzit dhe të shkaktojnë sëmundje. OBSH-ja vlerëson se ka 10,000 deri në 100,000 raste njerëzore në nivel global çdo vit, me ashpërsi që ndryshon në varësi të llojit.