OBSH thirrje Izraelit të rishikojë urdhrin e evakuimit nga veriu i Rripit të Gazës

Zëdhënësi i Organizatës Botërore të Shëndetësisë (OBSH), Tarik Jashareviç, i bëri thirrje Izraelit që të rishqyrtojë urdhrin për evakuimin e pjesës veriore të Rripit të Gazës, duke vlerësuar se është “pothuajse e pamundur” zbatimi i këtij urdhri.

“Ka pacientë që thjesht nuk mund të lëvizin, shumë janë në ventilatorë mekanikë, ka të porsalindur në inkubatorë, njerëz në një gjendje të paqëndrueshme dhe është shumë e vështirë t’i lëvizësh”, tha Jashareviç për BBC.

Ai kujtoi se të shtunën, katër kamionë me materiale kirurgjikale dhe medikamente hynë në Gaza përmes pikës kufitare Rafah, “por kjo nuk mjafton”.

LEXONI GJITHASHTU:

• OBSH kërkon akses për të ndihmuar 11 mijë të plagosurit në Gaza
• Thirrja e shefit të OBSH-së: Të lejohet ndihma mjekësore në Gazë