Shpërthimi i digës Kakhovka, OKB: Do sjellë pasoja në sigurinë globale të ushqimit

Kombet e Bashkuara deklarojnë se shkatërrimi i digës së madhe të epokës sovjetike në lumin Dnipro në Ukrainë do të ketë një ndikim të madh në sigurinë globale të ushqimit.

Mediat e huaja, bëjnë me dije se OKB  ka deklaruar se shpërthimi i digës do të sjellë si pasojë një rritje të çmimeve të ushqimeve dhe mund të shkaktojë probleme me ujin e pijshëm për qindra mijëra njerëz.

Diga, pjesë e hidrocentralit Kakhovka, u shpërthye në orët e para të 6 qershorit, duke shkaktuar përmbytje masive në një zonë të Ukrainës jugore.

Është e paqartë saktësisht se çfarë e shkaktoi shpërthimin. Ukraina dhe Rusia fajësuan njëra-tjetrën për hedhjen në erë të digës.

Shefi i ndihmës i OKB-së, Martin Griffiths tha se ndikimi në sigurinë ushqimore mund të jetë i rëndësishëm.

LEXONI GJITHASHTU: 

• Arrestohet organizatori i sulmeve ndaj KFOR në Veri, plagosen 3 policë
• Dyshohet i përdorur në ngjarje kriminale, gjendet automatiku i murosur në Shkodër