OKB e cilëson luftën në Ukrainë ‘histori tmerri të shkeljeve të të drejtave’

Zyra e OKB-së për të Drejtat e Njeriut e ka përshkruar luftën në Ukrainë si një “histori tmerri të shkeljeve të të drejtave kundër civilëve”, në të cilën respektimi i së drejtës ndërkombëtare është hedhur poshtë.

Komisionerja e OKB-së për të drejtat e njeriut, Michelle Bachelet, bëri një apel urgjent që të respektohen të drejtat e njeriut si dhe të hetohen shkeljet ligjore.

Misioni monitorues i OKB-së në Ukrainë ka dokumentuar vrasjen e paligjshme të 50 njerëzve në Bucha, të cilat përbëjnë krime lufte, shkruan BBC. 

Hetimet e OKB-së tregojnë se Bucha nuk është një incident i izoluar, por sipas OKB-së përfshihen dëshmi të dhunës së seksuale, torturim, keqtrajtim, madje edhe vrasjen e civilëve të luftës nga të gjitha palët në konflikt.

Misioni monitorues ka marrë akuza për më shumë se 300 vrasje të paligjshme në Ukrainë.

LEXONI GJITHASHTU:

• Australia vendos sanksione ndaj 2 vajzave të Putin
• Kush e kontrollon Mariupolin? Pretendimi i rusëve dhe reagimi i SHBA-së
• Zelenksi e quan operacion terrorist rrethimin e Mariupolit, reagimi i Putin