OKB: Ekzekutimi i parë me azot në SHBA mund të jetë torturë, ndalojeni!

Zyra e OKB-së për të Drejtat e Njeriut i bëri thirrje sot shtetit amerikan të Alabamës që të ndalojë ekzekutimin e parë të planifikuar të të dënuarve me vdekje nga asfiksimi me nitrogjen dhe paralajmëroi se një metodë e tillë mund të përbëjë torturë dhe shkelje të detyrimeve të SHBA-së sipas ligjit ndërkombëtar.

Ekzekutimi i Kenneth Smith, i dënuar për vrasjen me urdhër të vitit 1988, është planifikuar për më 25 janar, dhe planet janë që të përdoret një metodë gjatë së cilës një maskë e lidhur me një cilindër azoti do t’i vendoset mbi fytyrën e tij për t’i privuar atij oksigjenin, raporton Reuters.

“Ne jemi shumë të shqetësuar se ekzekutimi i Smith në këto rrethana mund të çojë në një shkelje të ndalimit të torturës ose trajtimeve ose dënimeve të tjera mizore, çnjerëzore ose poshtëruese, si dhe të drejtën e tij për një zgjidhje efektive”, tha zëdhënësja e Zyrës së OKB-së për të Drejtat e Njeriut, Ravina Shamdasani.

Ajo theksoi se këto të drejta janë të renditura në dy traktate ndërkombëtare për të drejtat e njeriut, të cilat i detyrojnë SHBA-të, raporton Reuters.

Shamdasani shprehu shqetësimin se protokolli i Alabamës nuk parashikon qetësim para ekzekutimit.

“Është shqetësuese që kjo po bëhet gjithnjë e më shumë si një metodë ekzekutimi”, tha ajo.

Prandaj, disa shtete janë përpjekur të ringjallin metodat më të vjetra të ekzekutimit, siç janë skuadrat e pushkatimit, ndërsa Alabama, Mississippi dhe Oklahoma kanë prezantuar protokolle të reja të bazuara në gaz.

LEXONI GJITHASHTU:

• Ambasada e SHBA në Tiranë: Nuk kemi ndërmjetësuar për reformën zgjedhore
• I ftohti ekstrem mbërthen SHBA, mbyllen shkollat e anulohen fluturimet