OKB-ja në krizë financiare, ndërpret të ardhurat për miliona njerëz

Miliona njerëz do tu ndërpriten ndihmat, kjo pasi OKB-ja është në krizë sa u takon fondeve.

Gjatë një konference, zëvendësshefi i Programit Botëror të Ushqimit, Carl Skau është shprehur se u duhet të ndërpresin ndihmat, për vendet si Afganistani, Siria, Jemeni dhe Afrika Perëndimore. Të ardhurat për këto vende, duhet të jenë rreth 20 miliardë dollar, por vitet e fundit kanë arritur të sigurojnë 10-14 miliardë dollarë.

“Ne ende e kemi atë synim, mirëpo këtë vit kemi siguruar vetëm rreth 5 miliardë dollarë”, ka thënë mes tjerash Skau.

Shumica e vendeve në botë, po kalojnë një krizë ekonomike, sidomos pas pandemisë dhe luftës midis Rusisë dhe Ukrainës, si dhe implikimeve të tjera globale. Situate nuk paraqitet aspak e mirë, pasi kriza mund të thellohet edhe më shumë ne 2024.

Sipas Programit Botëror të Ushqimit, rreth 345 milionë njerëz në botë kanë nevojë për ndihma.

Skau u ka bërë thirrje liderëve botërorë që ta kenë prioritet ndarjen e fondeve dhe të investojnë në zgjidhje afatgjata për konfliktet, varfërinë dhe shkaqe të tjera që po sjellin kriza.

LEXONI GJITHASHTU: 

• Mbyllet procesi i votimit në PD, Jemin Gjana zbulon sa ishte pjesëmarrja
• Rrezikuan mbytjen, shpëtohen mrekullisht babai e djali i mitur në plazhin e Spillesë