OKB: Libia ka nevojë për pajisje për të gjetur personat që kanë mbetur nën rrënoja

Më shumë pajisje nevojiten për të ndihmuar punonjësit e shpëtimit të gjejnë njerëz të bllokuar në llum dhe ndërtesa të dëmtuara, ka thënë shefi i ndihmës i OKB-së.

Të mbijetuarit gjithashtu kanë nevojë për kujdes shëndetësor parësor për të parandaluar shpërthimin e kolerës, tha Martin Griffiths.

“Zonat prioritare janë strehimi, ushqimi, kujdesi kryesor mjekësor parësor për shkak të shqetësimit të kolerës, shqetësimit të mungesës së ujit të pastër,” tha ai në një konferencë të OKB-së në Gjenevë.

Zyra humanitare e OKB-së ka dërguar një ekip për koordinimin e fatkeqësive prej 15 personash në Libi, të cilët janë zhvendosur nga Maroku, i cili pësoi një tërmet javën e kaluar.

LEXONI GJITHASHTU: 

• Rrëfimet prekëse të banorëve të pallatit: Duhen dy jetë për ta blerë prapë shtëpinë
• I gjenden kokainë dhe një pistoletë në banesë, arrestohet 18-vjeçari