OKB ultimatum talebanëve që të anulojnë kufizimet ndaj grave

Këshilli i Sigurimit i OKB-së ka denoncuar politikat e qeverisë talebane që synojnë gratë dhe vajzat në Afganistan.

Talebanët i kanë ndaluar gratë të ndjekin universitetin dhe të punojnë për organizatat joqeveritare (OJQ).

Këshilli i Sigurimit prej 15 anëtarësh tha se ishte “thellësisht i alarmuar” nga kufizimet në rritje për arsimimin e grave, raporton BBC.

Sekretari i Përgjithshëm i OKB-së Antonio Guterres i shpreh se kufizimet e fundit “duhet të revokohen”.

Një deklaratë nga Këshilli bëri thirrje për “pjesëmarrje të plotë, të barabartë dhe kuptimplotë të grave dhe vajzave në Afganistan”.

Ai u kërkoi talebanëve “të rihapin shkollat ​​dhe të ndryshojnë me shpejtësi këto politika dhe praktika, të cilat përfaqësojnë një erozion në rritje për respektimin e të drejtave të njeriut dhe lirive themelore”.

Ndalimi i punonjësve humanitare femra “do të kishte një ndikim të rëndësishëm dhe të menjëhershëm për operacionet humanitare në vend”, duke përfshirë OKB-në, shtoi ai.

Guterres tha se kufizimet e fundit ishin “shkelje të pajustifikueshme të të drejtave të njeriut”.

Të paktën pesë OJQ-të kryesore ndërprenë punën në Afganistan pasi gratë u ndaluan të punonin për to nga qeveria talebane.

Care International, Këshilli Norvegjez për Refugjatët (NRC) dhe Save the Children thanë se nuk mund të vazhdonin punën e tyre “pa pasur ne staf gra dhe vajza”.

Talibanët arrestuan javën e kaluar pesë gra që merrnin pjesë në një protestë në kryeqytetin afgan, Kabul, mbi ndalimin e arsimimit të femrave. Janë arrestuar edhe tre gazetarë.

Që nga rimarrja e kontrollit të vendit vitin e kaluar, talebanët kanë kufizuar vazhdimisht të drejtat e grave – pavarësisht se premtuan se sundimi i tyre do të ishte më i butë se regjimi i parë në vitet 1990.

Gratë gjithashtu janë penguar të hyjnë në parqe dhe palestra, mes vendeve të tjera publike.

LEXONI GJITHASHTU:

• Vuçeviç: Serbët në Veri s’duhet të frikësohen, jemi të gatshëm për marrëveshje
• Qëllohet me thikë në lokalin e natës, vdes futbollisti anglez
• 10 njerëzit më të kërkuar në Google gjatë 2022