Agjencitë e Kombeve të Bashkuara paralajmëruan se më shumë se një milion palestinezë në Gaza mund të rrezikojnë jetën nga uria në mes të muajit të ardhshëm, nëse vazhdojnë armiqësitë.

Uria po përkeqësohet për shkak të kufizimeve të mëdha në qasjen humanitare dhe kolapsit të sistemit lokal të ushqimit gjatë luftës pothuajse tetë-mujore në Gaza, thanë nga Programi Botëror i Ushqimit dhe Organizata për Ushqim dhe Bujqësi në një raport të përbashkët.

“Në mungesë të një ndërprerjeje të armiqësive dhe rritjes së aksesit, ndikimi në vdekshmëri dhe jetën e palestinezëve tani dhe në gjeneratat e ardhshme, do të rritet ndjeshëm çdo ditë, edhe nëse uria do të shmanget në afat të shkurtër,” thuhet në raport.

LEXO GJITHASHTU

• Izraeli tërhoqi forcat e tij, gjenden varre masive në spitalin Al-Shifa në Gaza
• Hamasi: Të paktën 27 të vrarë nga sulmi izraelit në një shkollë në Gazë