Olimpistët e Shqipërisë e Kosovës tregojnë objektivat në Pekin

Shqipëria dhe Kosova do të përfaqësohen në Lojërat Olimpike dimërore në Pekin me tre skiatorë.

Ekipi i Kosovës përfaqësohet nga dy skiatorë, Albin Tahiri dhe Kiana Kryeziu.

Për Tahirin nëse do të arrijë të klasifikohet në 30 vendet e para do të jetë një arritje.

Kiana, vetëm 17-vjeçare, ka bërë historinë duke u bërë sportistja e parë femër që do përfaqësojë Kosovën në një Olimpiadë Dimërore.

Ndërsa Shqipëria përfaqësohet nga Deni Xhepa, 18 vjeç, i cili për herë të parë do të jetë pjesë e kombëtares sonë.

Trajneri i tij thotë se Xhepa është një sportist i disiplinuar dhe modest.

Ai do të garojë më datë 13 shkurt për herë të parë dhe më pas më 16 shkurt.

Deni Xhepa tha se ka si objektiv që të dalë në top 30.