OpenAI klonon zërin e njeriut bazuar në 1 regjistrim audio prej vetëm disa sekondash

Kompania kaliforniane OpenAI prezantoi një mjet të ri “Voice Engine” që mund të klonojë çdo zë njeriu nëse disponohen vetëm 15 sekonda nga zëri i vërtetë i atij personi.

Sipas kompanisë, “Voice Engine” u zhvillua për herë të parë në vitin 2022 dhe versioni i tij fillestar u përdor për të kthyer tekstin në të folur për qëllimet e modelit të AI ChatGPT.

Disa shembuj audio të zërit të vërtetë njerëzor dhe kopjeve të tij sintetike të krijuara nga inteligjenca artificiale janë publikuar në faqen e internetit të kompanisë.

Kompania njoftoi se kjo teknologji e fuqishme nuk do të jetë e disponueshme për publikun për momentin për shkak të rreziqeve dhe abuzimeve të mundshme.

“Motori i zërit” është rezultat i përpjekjeve tona për të njohur kufijtë e zhvillimit teknologjik dhe për të ndarë me publikun mundësitë e inteligjencës artificiale”, thuhet në njoftimin e Open AI.

Kompania thotë se mezi presin diskutime rreth sfidave dhe mundësive të teknologjisë së re të klonimit të zërit.

“Është e rëndësishme që njerëzit në mbarë botën të kuptojnë se ku po çon kjo teknologji, pavarësisht nëse e aplikojmë vetë apo jo”, përfundoi OpenAI.

LEXONI GJITHASHTU:

• OpenAI iu përgjigj padisë së Elon Musk: Sipërmarrësi donte kontroll absolut
• Elon Musk padit kompaninë OpenAI për tradhtim të interesave të publikut