OpenAI refuzon ofertën e shitjes prej 97.4 miliardë dollarësh të Musk 

Organizata kërkimore e inteligjencës artificiale OpenAI, e cila zotëron ChatGPT, hodhi poshtë një ofertë prej 97.4 miliardë dollarësh nga një konsorcium i udhëhequr nga miliarderi Elon Musk, duke thënë se startup-i nuk është në shitje.

“OpenAI nuk është në shitje dhe bordi refuzoi njëzëri përpjekjen e fundit të zotit Musk për të prishur konkurrencën e tij.

Çdo riorganizim i mundshëm i OpenAI do të forcojë organizatën tonë jofitimprurëse dhe misionin e saj për të siguruar që AGI të përfitojë të gjithë njerëzimin,” tha Kryetari Brett Taylor në emër të bordit të kompanisë.

Reuters raporton se kjo është përpjekja e fundit e Musk për të bllokuar startupin që ai themeloi me CEO të OpenAI, Sam Altman, që të mos bëhet një firmë fitimprurëse, pasi ai kërkon të sigurojë më shumë kapital dhe të qëndrojë përpara në garën e inteligjencës artificiale.

Musk u largua nga OpenAI në 2019, pas së cilës kompania krijoi një krah fitimprurës që tërhoqi miliarda dollarë fonde. Pronari i Tesla-s më pas akuzoi startup-in për braktisjen e misionit të tij origjinal dhe për vendosjen e fitimit përpara të mirës publike.

LEXONI GJITHASHTU:

• 14 shtete padisin Musk dhe Trump: Roli i miliarderit është jokushtetues
• Elon Musk bën thirrje që Radio Evropa e Lirë dhe Zëri i Amerikës të mbyllen