Operatorët e autobusëve kërkesë qeverisë për zgjatjen e subvencionit

Shoqata Kombëtare e Transportit Qytetas i është drejtuar zyrtarisht qeverisë me një kërkesë për zgjatjen edhe me tre muaj të subvencionit për karburantin për operatorët e transportit publik.

Në kërkesën drejtuar Kryeministrisë, Bashkisë së Tiranës dhe disa ministrive, operatorët argumentojnë se çmimet e larta të karburantit vijojnë të rëndojnë kostot e aktivitetit dhe rrezikojnë vazhdimësinë normale të shërbimit publik.

Sipas dokumentit, operatorët kërkojnë që masa e kompensimit prej 50 lekë për litër karburant të vijojë edhe për periudhën korrik-shtator 2026. Ata theksojnë se, edhe pse akti normativ u miratua për të përballuar situatën në tregun e hidrokarbureve, çmimet mbeten ende të larta dhe ndikojnë drejtpërdrejt në kostot e transportit urban, rrethqytetas dhe ndërqytetas.

Shoqata paralajmëron se ndërprerja e mbështetjes financiare mund të sjellë ulje të flotës dhe frekuencës së shërbimit, si dhe vështirësi financiare për operatorët e licencuar të sektorit. Dokumenti mban datën 13 maj 2026 dhe është firmosur nga kreu i Shoqatës Kombëtare të Transportit Qytetas, Kostandin Foni