Opinioni i gazetarëve, problemet kryesore, blerja e votave dhe mungesa e programeve

Fushata elektorale për zgjedhjet e parlamentare të vitit 2021 mbetet e veçantë për shkak të bashkëjetesës me COVID-19.

Por sërish problematikat e shfaqura ndër vite duket se do të jenë prezente edhe në këtë proces.

Në optikën e gazetarëve më të vjetër në Shkodër, fushata që po përmbyllet ka qenë e qetë ndërsa beteja është zhvendosur brenda llojit më shumë se ndërmjet subjekteve politike. Problematikë mbetet mungesa e programeve.

“Në një farë mënyre është një betejë edhe brenda radhëve, pasi marrim rastin e Shkodrës, lista prej 11 kandidatësh mund të ketë një përmbysje spektakolare numrash,” – u shpreh gazetari Taulant Kopliku.

Ndërkaq, për gazetaren Brunilda Dibra qytetarëve u ka munguar një program i qartë elektoral.

“Palët janë përpjekur të japin alternativa konkrete sa i përket situatës aktuale por edhe asaj që ata premtojnë me ardhjen e tyre në pushtet,” – tha gazetari Bleri Delija.

Shit-blerja e votës duket se nuk do zhduket edhe këtë vit duke dëmtuar procesin.

“Po ndodh edhe në qytetin e Shkodrës. Më përpara nuk ka ekzistuar ky fenomen. Le të themi që më të ekspozuar ndaj shit-blerjes kanë qenë zonat periferike,” – u shpreh Dibra.

Sa i takon shpërndarjes së mandateve në Shkodër, sipas gazetarëve duket një epërsi e së djathtës ndërsa nuk përjashtohen surpriza nga partitë e reja e konkretisht Jozefina Topalli.

LEXONI GJITHASHTU: 

• Nën akuzë për blerje votash, procedohen penalisht 2 persona në Vlorë
• Meta akuza me video për blerje votash: Ndërkombëtarët të reagojnë në kohë