Opioidet sintetike, shkaktari kryesor i vdekjeve nga mbidoza në SHBA

Qendra amerikane për Kontrollin dhe Parandalimin e Sëmundjeve thonë se shkaku kryesor i vdekjeve nga mbidoza në Amerikë janë opioidet sintetike, kryesisht fentanili, i cili mund të jetë deri në 50 herë më i fortë se heroina.

Zyrtarët e zbatimit të ligjit thotë se fentanili i paligjshëm prodhohet me çmim të ulët nga kimikatet që vijnë kryesisht nga Kina, trafikohen përmes Meksikës dhe më pas kontrabandohen në Shtetet e Bashkuara.

Fentanili është një ilaç i miratuar për trajtimin e dhimbjeve të forta.Fentanili i paligjshëm shpesh përzihet me heroinë ose kokainë ose përdoret në pilula të falsifikuara.

Agjenti amerikan kundër drogave Jacob Galvan thotë se testet laboratorike zbulojnë doza potencialisht vdekjeprurëse të fentanilit në gjashtë nga 10 pilulat false.

Departamenti Amerikan i Shëndetësisë dhe Shërbimeve Njerëzore thotë se më shumë se 90% e njerëzve 12 vjeç e lart me një çrregullim të abuzimit me substancat nuk marrin asnjë trajtim.

LEXONI GJITHASHTU:

• Dritan Hila: Kandidatët e Bashkë Fitojmë, të vegjël përballë “dinosaurit” Rama
• “Bëjnë kritika në hava”, Rama: Tirana sot, fuqia më e madhe tërheqëse e turizmit