“Opozita duhet brenda Parlamentit” – Bardhi i përgjigjet ambasadorit të BE

Kreu i grupit parlamentar Gazment Bardhi iu përgjigj deklaratave që ambasadori i BE në Shqipëri, Silvio Gonzato, bëri nga Kuvendi i Shqipërisë këtë të enjte, teksa i dorëzoi progres-raportin kryeparlamentares Spiropali.

Mes të tjerash, Gonzato komentoi dhe protestën e opozitës jashtë sallës së seancave plenare, ku tha se “opozita duhet të luajë rolin e saj brenda Parlamentit”. Bardhi në përgjigjen e tij ndaj amabasadorit thekson se deputetët e opozitës janë përjashtuar me ligj nga punimet e Kuvendit.

“Bëhet thirrje që opozita të luajë rolin e saj brenda Parlamentit; ndërkohë mundësia e opozitës për të hyrë brenda dhe pastaj për të pasur mundësi të luajë rolin e saj brenda Parlamentit paraqitet kështu në realitet! Fshehja e realitetit/të vërtetës pas fjalëve të bukura, nuk e ndihmon Shqipërinë! Realiteti/e vërteta është që opozita është përjashtuar nga Kuvendi pa ligj dhe me një rregull që është shfuqizuar prej 6 muajsh nga Gjykata Kushtetuese. Parlamentarizimi ka në themel të tij respektimin e Kushtetutës, si mundësia e vetme e bashkëjetesës mes palëve që mendojnë ndryshe,” shkroi Bardhi.

LEXONI GJITHASHTU:

• “Duhet të bëjnë detyrën e tyre në Parlament”, Gonzato flet për aksionin e opozitës
• Gonzato mbërrin në parlament! Deputetët e PD ndalin protestën, i hapin rrugën
• Gonzato i dorëzon progres-raportin Ramës: Mbështesim mbylljen e negociatave në 2027