“Opozita e Kosovës do bashkohet”, Cana: Ja kush do të jetë kryeministër

Edon Cana kandidati për deputet i Partisë Demokratike të Kosovës, ishte këtë të premte i ftuar në Euronews Albania  ku mohoi mundësinë e një koalicioni mes PDK dhe Vetëvendosjes për të krijuar qeverinë e re.

“Vetëvendosja është një parti që është rrezik për të ardhmen e shtetit. Nëse Kurti do të jetë kryeministrër i ardhshëm ky është një rrezik më i madh për shtetin e Kosovës, sidomos në këtë fazë që është shumë delikate. Në asnjë rrethanë ne nuk futemi në koalicion me Albin Kurtin, ai përbën rrezik nacional”,-tha Cana.

I pyetur se çfarë do të ndodh nëse Kurti nuk do të arrijë të formojë shumicën parlamentare, Cana tha se nëse Vetëvendosja nuk arrin ta krijojë qeverinë

“Ne e dimë që lëvizja Vetëvendosje kryeministri Kurti nuk lodhet fare për shtetin e Kosovës, kjo është një lëvizje që ka për filozofi politike dhunën, ata do provojnë çdo gjë që ta bllokojnë shtetin e Kosovës. Ne jemi në një situatë tepër të rrezikshme ndaj jemi shumë të bindur se do të krijojmë një shumicë parlamentare dhe kryeministri i ardhshëm Bedri Hamza do të jetë kryeministri më normal që ka pasur Kosova dhe ne kemi nevojë për një politikë normale”,-tha Cana.

LEXONI GJITHASHTU:

• Kallas: Do të përpiqemi ta bëjmë funksional dialogun Kosovë-Serbi
• “Dërgimi i trupave amerikane në Ukrainë, një opsion”- Vance bën deklaratën e fortë