Ora e Tokës 2021: Në çfarë ore do të mbahet e pse është e rëndësishme?

Fikja e dritave të shtëpisë suaj për një orë – një ide e thjeshtë që do të bëjë bashkë miliona njerëz për të festuar Orën e Tokës.

Nën organizimin e World Wildlife Fund (WWF) ky celebrim për planetin tonë do të mbahet këtë vit virtualisht për shkak të pandemisë COVID-19.

Ora e Tokës ka bashkuar njerëz nga më shumë se 180 shtete për 13 vitet e fundit.

Sonte, në të shtunën e fundit të marsit, komunitetet dhe bizneset do të fikin dritat nga ora 8:30 deri në 9:30 për të treguar solidaritetin dhe përkrahjen e tyre për planetin Tokë.

Në 2019, dritat u ulën edhe në Kullën Eifel të Parisit, Akropolin antik të Greqisë dhe Pallati Operas në Sidnej.

For years, our lights-off moment transformed entire skylines. Now, we invite you to transform the Twitter feeds of millions around the world by joining our first-ever #EarthHour Virtual Spotlight.📱💡https://t.co/dbX2UO9JIN pic.twitter.com/2l0JenpC9h

— Earth Hour Official (@earthhour) March 26, 2021

Nëse dëshironi të jeni pjesëmarrës virtual, sigurohuni që të ndani eksperiencën tuaj me hashtagun #EarthHour.