Orban: Hungaria do ratifikojë anëtarësimin e Finlandës dhe Suedisë në NATO në 2023

Kryeministri hungarez Viktor Orban tha të enjten se Parlamenti i Hungarisë do të ratifikojë anëtarësimin e Finlandës dhe Suedisë në NATO, në fillim të vitit të ardhshëm.

Orban tha në një konferencë pas një takimi të Grupit të Vishegradit në Sllovaki, se qeveria e tij kishte vendosur tashmë që Hungaria do të mbështeste pranimin e Finlandës dhe Suedisë në NATO dhe parlamenti do ta vendoste këtë pikë në agjendën e tij në sesionin e parë vitin e ardhshëm, shkruan Reuters.

“Hungaria me siguri do t’i japë mbështetjen e saj pranimit të tyre. Pasi Qeveria e ka bërë edhe parlamenti do ta bëjë këtë”, theksoi Orban.

Hungaria dhe Turqia janë të vetmet anëtare të aleancës që nuk e kanë miratuar ende pranimin.

Qeveria hungareze paraqiti legjislacionin përkatës në korrikun e sivjetmë, por Parlamenti, në të cilin partia në pushtet, Fidesz e Orbanit, ka dy të tretat e shumicës, nuk i ka paraqitur ende dy projektligjet për debat dhe miratim.

LEXONI GJITHASHTU

• Stoltenberg: NATO nuk do të tërhiqet në mbështetjen për Ukrainën
• Lufta në Ukrainë, amerikanët vendosin sanksione të reja ndaj rusëve
• Lufta në Ukrainë, SHBA do sjellë në Evropë armë bërthamore