Orban: Hungaria mbështet përpjekjet e SHBA-së për paqe në Ukrainë

Kryeministri hungarez Viktor Orban tha se Hungaria do të “vazhdojë të mbështesë përpjekjet për paqe” që po udhëheq SHBA-ja për t’i dhënë fund luftës në Ukrainë.

“Nëse Donald Trump do të kishte qenë president i Shteteve të Bashkuara, kjo luftë nuk do të kishte shpërthyer.  Dhe nëse ai nuk do të ishte president tani, atëherë ne nuk do të kishim asnjë shans për t’i dhënë fund luftës me paqe”, u tha ai gazetarëve.

Gjithashtu Orban shtoi se Hungaria “mbetet e gatshme” të ofrojë një vend për një samit paqeje në Budapest, nëse kjo është e mundur.

Hungaria ka qenë në kundërshtim me vendet e tjera perëndimore për shkak të mbajtjes së lidhjeve të Orban me Rusinë dhe refuzimit për të dërguar armë në Ukrainë.

Ndërkohë, kujtojmë që Hungaria ka kundërshtuar planet e Komisionit Evropian për të ndërprerë gradualisht importet e të gjithë gazit dhe LNG-së ruse nga BE-ja deri në fund të vitit 2027, duke thelluar një përçarje me Brukselin për marrëdhëniet me Moskën.