Orban: Hungaria nuk do jetë pjesë e ndërhyrjes së mundshme të NATO-s në Ukrainë

Hungaria duhet të shmangë me çdo kusht pjesëmarrjen në një ndërhyrje të mundshme të NATO-s në Ukrainë, tha kryeministri hungarez Viktor Orbán në një intervistë.

Orbán tha se Hungaria nuk duhet as të marrë pjesë në fazën e planifikimit, duke shtuar se ekziston rreziku që njësitë ushtarake hungareze mund të transferohen nën komandën e NATO-s, nëse do të fillojë misioni i Aleancës në Ukrainë dhe se territori hungarez mund të përdoret për atë mision.

Sipas tij, shumë shpejt Hungaria do të tërhiqet nga të gjitha përgatitjet e NATO-s për misionin në Ukrainë, por ai shpjegoi se një hap i tillë duhet së pari të diskutohet me Sekretarin e Përgjithshëm të NATO-s.

“Ata që pretendojnë se nuk ka kërcënim të drejtpërdrejtë të një përshkallëzimi të luftës, po mashtrojnë njerëzit,” tha Orbán.

Ai theksoi se Rusia “nuk është një vend i dorës së tretë” dhe paralajmëroi se Evropa është shumë afër ‘pikës pa kthim’.

LEXO GJITHASHTU:

• Plani i NATO për luftë me Rusinë: Portet në Europë ku do zbarkojnë trupat amerikane
• Rikthehet festivali më i madh në Ukrainë, qëllimi mbledhja e 2.3 mln €