Orban: Hungaria nuk do t’i ofrojë Ukrainës asnjë mbështetje

Ukraina nuk do të ketë mbështetje nga Hungaria derisa të rifillojë furnizimet me naftë ruse nëpërmjet tubacionit Druzhba, tha kryeministri hungarez Viktor Orban, duke komentuar pretendimin e homologut të tij polak, Donald Tusks, se veprimet e Budapestit janë të dobishme për Moskën.

“Kryeministri Orban sapo ka bllokuar ndihmën e Evropës për Ukrainën”, shkroi Tusk në faqen e tij X. “Merrni me mend se kush është i lumtur”, vuri në dukje ai, duke aluduar për Rusinë.

“I dashur Donald, unë jam përgjegjës për popullin hungarez dhe për Hungarinë. Nëse dikush i dëmton ata, është detyra ime t’i mbroj. Kështu do të jetë edhe tani. Për sa kohë që Presidenti Zelensky nuk rifillon dërgesat e naftës, ai nuk duhet të presë asnjë mbështetje nga ne”, u përgjigj Orban në X.