Organizata Botërore e Shëndetësisë: Më shumë se 40% e të vrarëve në Gaza janë fëmijë

Agjencitë e OKB-së ofruan sot një pamje gjithnjë e më të dëshpëruar të jetës brenda Gazës, ndërsa Organizata Botërore e Shëndetësisë raportoi për 7028 vdekje, më shumë se 40% e të cilëve janë fëmijë. OBSH citoi të dhëna nga Ministria e Shëndetësisë e drejtuar nga Hamasi në Gaza dhe tha se kishte marrë detaje të rëndësishme për të vrarët.

Ka pasur 18,482 lëndime, tha OBSH, përsëri një pjesë e konsiderueshme e tyre janë fëmijë. Agjencia tha se 23 nga 35 spitalet ishin ende pjesërisht duke funksionuar – të tjerët, si dhe klinikat e komunitetit, janë dashur të mbyllen.

OBSH thotë se 1000 njerëz në Gaza kanë nevojë për dializë, 30 foshnja të lindura para kohe janë në inkubatorë dhe 2000 pacientë me kancer kanë nevojë për trajtim urgjent. E gjithë kjo bëhet e pamundur pa karburant për të funksionuar gjeneratorët spitalorë.

Një zyrtar i OBSH-së foli për kushte të dëshpëruara brenda spitaleve që ende funksionojnë, me pacientë të plagosur rëndë që operohen në korridore pa anestezi, dhe kudo “erë vdekjeje” dhe “trupa fëmijësh”.

LEXONI GJITHASHTU:

• OBSH: 1000 trupa ende nën rrënoja në Gaza
• Izraeli sulme me tanke dhe avionë luftarakë gjatë natës në Gaza