Organizoi dhunimin e avokatit Sokol Mëngjesi, lihet në burg Dritan Nano

Gjykata e Tiranës ka lënë në burg Dritan Nanon, i dyshuar si organizatori i goditjes se avokatit Sokol Mëngjesi.

Apeli rrëzoi kërkesën e palës mbrojtëse për një masë më të butë sigurie.

Disa javë më parë, avokati Mëngjesi i cili u dhunua barbarisht në datë 29 maj të këtij viti, përmes një deklarate noteriale i kërkoi Gjykatës së Tiranës lirimin nga qelia të Dritan Nano, personit të dyshuar se ka porositur aktin, me argumentin se nuk ka asnjë konflikt as personal dhe as penal me këtë shtetas.

Trupa e gjykimit nuk e mori parasysh kërkesën, duke lënë në fuqi masën e sigurisë vendosur ndaj Nanos.

Sokol Mëngjesi u dhunua nga tre persona mëngjesin e 29 majit, mbasi la fëmijën në kopësht, në zonën e ish bllokut.

Personat që morën pjesë në këtë konflikt ishin Drivald Alia, Elton Kasaj dhe Romario Tabaku. Ky i fundit nuk mori pjesë në dhunë, por ndihmoi njërin prej autorëve ta largonte nga vendi ngjarjes.

LEXONI GJITHASHTU:

• Dhunimi i avokatit Mëngjesi, Vocaj: Kërkimet janë shtrirë në të gjithë Shqipërinë
• Sulmi ndaj avokatit Sokol Mëngjesi, Gjykata e Apelit lë në burg Nanon dhe Alian