Oscar-i i parë për Tom Cruise, aktori emocionon Hollywood-in me fjalimin e tij

17 Nëntor 2025 | 17:13

Pas më shumë se tre dekadash karrierë dhe role ikonike, përfshirë skena të rrezikshme në serinë “Mission: Impossible”, Tom Cruise është vlerësuar për herë të parë me çmimin e Oscar-it.

Aktori është nominuar më parë katër herë për çmimin më prestigjioz të kinemasë: për “Born on the Fourth of July” (1989), “Jerry Maguire” (1996), “Magnolia” (1999) dhe si producent për “Top Gun: Maverick” (2022).

Në fjalimin e tij emocional, Cruise foli për ndikimin e kinemasë në jetën e tij:

“Uria për aventurë, dije dhe njerëzimin më shtyu të tregoj histori. Kinemaja më hapi imagjinatën.”

Ai shtoi se kinemaja “ndërtohet nga komunitetet”, dhe në fund të fjalimit i bëri të pranishmit me të cilët ka punuar të ngriheshin në këmbë:

“Ju lutem dijeni se ju mbaj me vete, secilin prej jush, dhe ju jeni pjesë e çdo kuadri të çdo filmi që kam bërë ose do të bëj ndonjëherë.”

Cruise gjithashtu u zotua të vazhdojë të mbështesë artin kinematografik dhe talentet e reja.

Përveç Cruise, Akademia nderoi edhe figura të tjera me kontribute të jashtëzakonshme në art:

Wynn Thomas, dizajner pionier i prodhimit të filmit, i njohur për punën në “Do The Right Thing”, “Malcolm X” dhe “A Beautiful Mind”.

Debbie Allen, koreografe dhe aktore e njohur, e njohur për filmat dhe shfaqjet “Fame” dhe “Ragtime”.

Dolly Parton, e vlerësuar për filantropinë e saj gjatë gjithë jetës, duke përfshirë Fondacionin Dollyëood dhe programin global të shkrim-leximit Imagination Library, që ka shpërndarë mbi 285 milion libra për fëmijët që nga viti 1995.

Përveç karrierës muzikore, Dolly Parton është nominuar dy herë për Oscar me këngë origjinale për filmat “9 to 5” dhe “Transamerica”.

Home Kryefaqja
Shiko në: YouTube
Lajme të Sugjeruara

Pittard rikthen përmes fotografisë Shqipërinë e një shekulli më parë

Fotografitë e realizuara në Shqipëri në vitin 1921 nga akademiku dhe antropologu zviceran Eugène Pittard janë sjellë për publikun korçar në një ekspozitë të veçantë...
21:45 | 24/06/2026

Dorëshkrimi i panjohur i Mozartit zbulohet në Francë, shtatë vepra të reja dëgjohen për herë të parë

Një zbulim i jashtëzakonshëm në botën e muzikës klasike ka sjellë në dritë një dorëshkrim të panjohur më parë të Mozartit, i cili përmban shtatë...
19:32 | 24/06/2026

INSTAT: 1,5 milionë vizitorë në institucionet e trashëgimisë kulturore gjatë 2025-ës

Sektori i kulturës ka shënuar zhvillime pozitive gjatë vitit 2025, duke reflektuar rritje të pjesëmarrjes së publikut në aktivitete artistike. Të dhënat e publikuara nga...
17:53 | 24/06/2026