OSHEE kundërshton policinë: Shpërthimi në Shkodër nuk ka lidhje me matësat elektrikë

OSHEE ka reaguar përmes një njoftimi për mediat sa i takon ngjarjes në Shkodër, ku në hyrjen e një pallati ka pasur një shpërthim, nga i cili humbi jetë një 67-vjeçar.

Sipas OSHEE, shpërthimi nuk ka ndodhur shkak të boksit të matësave në pallat.

“Në lidhje me ngjarjen në Shkodër, sipas informacioneve paraprake, informojmë se shpërthimi nuk ka ndodhur për shkak të boksit të matësave në pallat”, thuhet në reagimin e OSHEE.

Ngjarja ndodhi rreth orës 10:10, në lagjen “Manush Alimani”.

Kujtojmë që në reagimin e saj zyrtar policia tha se dyshohet se ka shpërthyer paneli i matësave të energjisë elektrike në një pallat në Shkodër.