Osmani do përfaqësojë Kosovën në samitin BE-Ballkani Perëndimor

Presidentja e Kosovës, Vjosa Osmani, do të përfaqësojë Kosovën në samitin midis Bashkimit Evropian dhe shteteve të Ballkanit Perëndimor, që do të mbahet në Tiranë më 6 dhjetor.

Të shtunën gjatë një takimi me ambasadorin e BE-së në Kosovë, Tomas Sznunyog, i dorëzoi Osmanit kopjen fizike të ftesës nga presidenti i Këshillit Evropian, Charles Michel, tha zyra e presidentes së Kosovës.

“Në takim u vlerësua fakti që për herë të parë, ky samit do të mbahet pikërisht në Ballkanin Perëndimor, duke konfirmuar gatishmërinë e vendeve të BE-së për një angazhim më të madh drejt bashkëpunimit dhe partneritetit me vendet e rajonit”, thuhet në njoftimin.

Samiti në Tiranë do të jetë i pari midis BE-së dhe Ballkanit Perëndimor që zhvillohet në territorin e një vendi të rajonit që nuk është në BE.

Policia e Shtetit njoftoi sot masat e marra si dhe rrugët që do të bllokohen të martën në kryeqytet.

LEXONI GJITHASHTU:

• Rrumbullaku: Siguria e liderëve perëndimorë mbi dëshirën gjeografike për protestë
• “S’jemi kundër protestave”, Çuçi: Ka zonë të kuqe, do marrim masa që të zhvillohet
• Sekuestrohet 65 kg marijuanë në Malin e Zi që ishte nisur nga Shqipëria