“S’jemi kundër protestave”, Çuçi: Ka zonë të kuqe, do marrim masa që të zhvillohet

Ministri i Brendshëm, Bledi Çuçi u shpreh gjatë një komunikimi me mediat se çdo gjë do të shkojë mirë në samitin e Ballkanit Perëndimor me BE që pritet të zhvillohet në Tiranë më 6 dhjetor.

Çuçi theksoi pas takimit me kreun e Policisë së Shtetit, Muhamet Rrumbullaku se nuk është kundër zhvillimit të protestave, por sipas tij të martën ka një zonë të kuqe që nuk lejohet të ketë qytetarë.

Ai nënvizoi se do të marrin masat që edhe protesta të zhvillohet ashtu siç duhet.

“Do jetë një ditë e shënuar për Shqipërinë, është ngjarja diplomatike më e madhe që ndodh në Tiranë. Ju garantoj që çdo gjë do të shkojë më së miri për këtë event fantastik që do zhvillohet në Tiranë. Drejtori do vazhdoj tju sqarojë në lidhje me masat që kemi marrë, sidomos për të garantuar edhe zhvillimin e protestës, ne asnjëherë nuk kemi qenë kundër protestave. Gjithmonë i kemi garantuar protesta, të drejtën kushtetuese për të protestuar këtë herë ka një zonë të kuqe ku do të zhvillohet samiti, do të marrim masat që protesta të vijojë ashtu siç duhet”, u shpreh ministri .

LEXONI GJITHASHTU:

• Meta takim me gjimnazistët: 58 mijë nxënës më pak, po përballemi me shpopullim
• Rrugët që do të bllokohen në Tiranë për samitin e Ballkani Perëndimor-BE
• Berisha akuzon ambasadorin britanik: Ka shpifur, do i bëj të gjitha publike