Osmani: Drafti i Asociacionit nuk është në përputhje me Kushtetutën

Presidentja e Kosovës, Vjosa Osmani, ka thënë se draft-statuti i Asociacionit të komunave me shumicë serbe, i hartuar nga Bashkimi Evropian nuk është në përputhje me Kushtetutën e Kosovës.

Ajo tha se drafti ka probleme të shumta të cilat ia kanë adresuar edhe emisarit të ri të BE-së për dialogun, Peter Sorensen, në takimin e mbajtur në fillim të kësaj jave.

Osmani theksoi se presin nga lidershipi i ri i BE-së të marrë parasysh kërkesat e Kosovës.

Këto komente, Osmani i bëri në konferencë për media pas takimit me presidentin e Letonisë, Edgars Rinkevics.

LEXONI GJITHASHTU:

• Osmani dekoron Michael Roth me Medaljen Presidenciale të Meritave
• Osmani: Prania e NATO-s në Kosovë, barrierë kundër përpjekjeve që cenojnë paqen